नेपालमा अब निजी कम्पनीका जागिरेलाई पनि पेन्सन !


तपाईं निजी कम्पनीमा काम गर्नुहुन्छ र जागिर छाडेपछि पेन्सन पाइदैन भन्ने चिन्ता छ ? अब चिन्ता नगर्नुहोस् । निजी कम्पनीमा काम गर्ने कामदार र स्वरोजगारलाई समेत पेन्सन दिने व्यवस्था गर्दैछ, कर्मचारी सञ्चयकोषले ।

कर्मचारी सञ्चयकोषका दीपक रौनियारका अनुसार कोषले यो आर्थिक वर्षको अन्त्यबाट यो स्किम सुरुवात गर्नेछ । सञ्चयकोषको स्किमअनुसार जागिरको अवधिमा कोषमा जम्मा गरेको रकम ५५ वर्ष उमेर पुगेपछि पेन्सनको रुपमा लिन सकिनेछ ।

यस्तो रकम एकैपटक पनि निकाल्न मिल्ने रौनियार बताउँछन् । तर ५५ वर्ष पुग्नुअघि भने सञ्चयकर्ताले यस्तो रकम निकाल्न पाउँदैनन् ।

उनले भने ‘कति वर्ष सम्म पेन्सन खाने भनेर सञ्चयकर्ताले आफै घोषणा गर्नुपर्छ, बचत गरेको रकमको आधारमा पेन्सनको रकम तोकिनेछ । ‘

जागिरको अवधिमा कोषमा जम्मा गरेको रकम ५५ वर्ष उमेर पुगेपछि पेन्सनको रुपमा लिन सकिनेछ ।

५५ वर्ष नपुग्दै सदाका लागि देशबाहिर जानु परेमा भने कोषले रकम फिर्ता दिन्छ । त्यस्तै शारीरिक तथा मानसिक अपाङ्गता भएमा पनि ५५ वर्ष नपुगी रकम फिर्ता लिन सकिन्छ । यो बाहेक अन्य परिस्थतिमा भने ५५ वर्ष नपुगी रकम फिर्ता पाइदैन ।

सञ्चयकर्ताले बीचमा रकम सञ्चय गर्न सकेन भने त्यस्तो रकम पनि ५५ वर्ष पुगेपछि मात्रै निकाल्न पाउँछ । रौनियार भन्छन् ‘यो अन्तर्राष्ट्रिय नियम हो, किनकी पेन्सन स्किम लिएपछि रिटायरमेन्ट हुने उमेरसम्म पर्खनैपर्छ ।’

तर कति वर्षसम्म उमेर भएकाले यो स्कीम लिनसक्ने भन्नेबारेमा भने कोषले अहिलेसम्म टुंगो लगाउन सकेको छैन ।

‘६० वर्षमा अवकाश हुने गरेको भए पनि त्यसपछि पुनः अर्काे जागिर गरेर ६५ र ७० वर्षसम्म पनि कमाएको देखेका छौं, जसका कारण कति वर्षसम्मकालाई यस्तो स्किममा आवद्ध गराउने भन्नेबारेमा निर्णय गर्न सकेका छैनौं’ रौनियारले भने ।

२०७४ चैत १ गते

फेसबुकबाट कमेन्ट गर्नुहोस |
सम्बन्धित शिर्षकहरु
  • जनसम्पर्क समिति इजरायलको अधिबेशन सम्पन्न,खगेश्वर अधिकारीको सभापतित्व :प्रखर व्यक्तित्वको चयन
  • इजरायलबाट 53 जनाको सहयोगार्थ रकम 1,51,551 बिरामी मनोज निउरेका हजुर बुवालाई हस्तान्तरण (भिडियो सहित)
  • दुर्गा बिसीको सदियौंताको कथा होइन यथार्थ हो “जाले रुमाल धुम्ला मायालु”( भिडियो सहित)
  • माेरङ रतुवामाइमा नमस्ते नेपाल हातेमालो सामाजिक सस्था इजरायल समन्वय समितिबाट सहयोग हस्तान्तरण
  • © 2019: शुभ दिन All Rights Reserved. Designed by: NetKuti
    error: कृपया कपि नगर्नुहोला !!