बम विस्फोटमा पत्रकार र सुरक्षाकर्मी गम्भीर घाइते


पोखरा लेखनाथ महानगरपालिका–१४ चाउथेमा आज १२ बजेको समयमा भएको टाइम बम विस्फोटनमा परी दुईजना घाइते भएका छन् । पृथ्वी राजमार्गको विजयपुर पुल नजिकै अचानक बम विस्फोट हुँदा शंकास्पद वस्तु भनेर रिपोर्टिङमा पुगेका रेडियो गण्डकी एवम् गण्डकी टेलिभिजनमा कार्यरत पत्रकार घनश्याम पाण्डे र अस्थायी प्रहरी पोस्ट चाउथेमा कार्यरत प्रहरी जवान कुलबहादुर खत्री घाइते हुनु भएको हो ।

विस्फोटनमा घाइते पाण्डेको दाहिनेपट्टि टाउको र घाँटीमा चोट लागेको छ भने प्रहरी जवान खत्रीको पनि दाहिने घाँटीमा चोट लागेको छ । गण्डकी मेडिकल कलेजमा उपचार भइरहेका दुवै जनाको अवस्था सामान्य रहेको अस्पताल जनाएको छ । त्यसैगरी, पोखरा लेखनाथ–७ नागढुङ्गामा आज बिहानै फेला परेको बमलाई नेपाली सेनाको बम निष्क्रिय टोलीले निष्क्रिय पारेको थियो ।

आउट ड्राइभ इन्टरप्राइजेज लिमिटेडको नजिकै जेब्रा झोलाभित्र स्टिलको टिफिनमा फेला परेको बम समयमै निष्क्रिय पारिएको कारण कुनै पनि क्षति नभएको प्रहरी निरीक्षक वसन्तकुमार शर्माले जानकारी दिनुभयो पुर्बेली समाचारमा लेखियको छ

फेसबुकबाट कमेन्ट गर्नुहोस |
सम्बन्धित शिर्षकहरु
  • जेसि र प्रमिलालाई मिलाउने काम मुस्कानले गरे। भिडियो केही दिनमा रिलिज हुँदै ।
  • “इजरायलका तिन धार्मिक संस्था द्वारा संयुक्त आयोजनमा श्रीकृष्ण जन्माष्ठमी धुमधामका साथ मनाइदै “
  • विश्व आदिवासी दिवस इजरायलमा मनाइदै,केन्द्रीय अधक्ष्य जगतबहादुरले कार्यक्रमलाइ सम्वोधनगर्ने
  • एनआरएन ए इजरायलको मुख्य आयोजना तथा अन्य करिब २ दर्जन सस्थाहरुको सहआयोजनामा तीज बिशेष कार्यक्रम हुदै
  • © 2018: शुभ दिन All Rights Reserved. Designed by: NetKuti